السعادة .. فى خطوات

 عاوز تبقى سعيد ومبسوط ؟؟ تعالى أقولكـ 

 

1- أول حاجة قرب من ربنا هو ف ايده كل مفاتيح السعادة والفرج .. ادعيله ومتزهقش .. قرب منه ومتخافش .. "أليس الله بكاف عبده" . 

2- اسرق لحظات سعادتكـ .. أيوة اسرقها متستناش السعادة تجيلكـ لحد عندكـ دور عليها واسرقها من الدنيا .. متضيعش اى لحظة ممكن تكون مبسوط فيها اى لحظة ممكن تلاقى سعادتكـ فيها . 

3- عيش اللحظة .. عيش كل لحظاتكـ بحلوها وبمرها .. الوقت اللى بتبقى مبسوط فيه ابسط نفسكـ بيه على  قد ما تقدر اضحكـ من قلبكـ .. اضحكـ لحد ما عيونكـ تدمع متبخلش ع روحك بالفرحة .

4- متفكرش فى كلام الناس .. محدش هيزعل لزعلكـ ع فكرة فمتشغلش بالكـ بكلام اللى حواليكـ كتير وابسط نفسكـ وعيش حياتكـ لحظات السعادة قليلة لازم تستغلها لاخر ثانية فيها .

5- ابتسم :) .. آه ابتسم لاى حد وف اى وقت حتى لو حصلكـ حاجة وحشة ابتسم واحمد ربنا انكـ لسة عايش وقادر تبتسم .. الدنيا مش دايمة لحد يبقى تنكد ع روحكـ ليه ؟! ابسطـ نفسكـ واضحكـ ع الدنيا بابتسامة .

6- متشغلش بالكـ بالناس .. متفكرش فى ان الشخص ده عنده وانا معنديش .. ده مبسوط وانا لا .. اشغل نفسكـ بنفسكـ فكر ف روحكـ وازاى تبسط نفسكـ  هى تستاهل الوقت ده اكتر من الناس اللى شاغل نفسكـ بيها 

7-  الحمد لله .. السعادة متمثلة ف الجملة دى "الحمد لله" احمد ربنا ع كل حاجة بتجيلكـ ومتزعلش ربنا أكيد شايلكـ الاحسن وهيبعتلكـ فرحة اكيد تنسى بيها كل الالم اللى شوفته بس انت اصبر وخلى ثقتكـ وايمانكـ بـ ربنا كبيير . 

8- اسعد اللى حواليكـ ... مش صعبة ع فكرة ولا حاجة مستحيلة انت لو ابتسمت للى قدامكـ كدا انت اسعدته .. جرب تبسط طفل صغير جبله شيكولاتة كدا وقوله دى ليكـ وشوف الابتسامة اللى ع وجهه ازاى مجرد ما هتشوفها هتلقى نفسكـ بتبتسم وهتنسى همومكـ للحظة !

9- الماضى وقت وفات ومش هتقدر ترجعه والمستقبل لسة مجاش وف ايد ربنا متشغلش بالكـ بيه .. لكن حاضركـ هو اللى انت عايشه دلوقتى عيشه بكل لحظاته يمكن اللحظة اللى عايشها النهاردة متكونش موجودة بكرة .. استمتع بحاضركـ .

10- هذا الوقت سيمضى .. خلى الجملة دى ف بالكـ كل ما تقابلكـ مشكلة افتكر انه مهما طالت مش هتدوم معاكـ وفى النهاية هتنتهى .. الوقت مش بيقف عند لحظة ف متنكدش ع نفسكـ وقول لنفسكـ انكـ قادر انكـ تتخطى اى مشكلة ف حياتكـ .. خليكـ دايما واثق ف نفسكـ وخليكـ فاكر دايما "انكـ مميز " :) 

ببساطة .. عيش حياتكـ 

ثق بالله.. ثق بنفسكـ 

^_^ 

sadangl's photostream

sadangl's photostream on Flickr.

عيش حبك

عيــش حــبــكــ 

الحب عبارة عن لحظات حلوة بنعيشها مع اللى بنحبه .... عن أيام بنقضيها مع اللى بنحبه 

لحظات حلوة أو مش حلوة أيام حلوة أو لا مش مهم ...... المهم اننا نكون مع اللى بنحبه 

 

يبقى ليه نشغل بالنا ببكره ليه نفكر فى اننا هنكون بكرة مع بعض  ولالا ؟؟ 

ليه نشغل بالنا هنكمل مع بعض ولالا ؟؟ هنكون مع بعض ولالا ؟؟ 

كل ده بيقتل أى لحظة فرح أو سعادة بنكون فيها من الآخر بنعكنن على نفسنا

مش بس على نفسنا بس لا كمان على اللى بنحبهم يبقى ليه نحرم نفسنا من لحظة السعادة اللى احنا فيها 

 

استمتع بحبك ووقتك مع اللى بتحبه مش مهم هنكون مع بعض بكرة او لا المهم اننا مع بعض دلوقتى 

بنتكلم بنهزر بنضحك بنتخانق ( بنتريق بنستفز) ليه ننكد على نفسنا ونحرمها من لحظة السعادة اللى فيها 

عيش حبك .. عيش يومك مع اللى بتحبه إستمتع بكل لحظة معاه متفكرش بكرة هيحصل ايه ولا هيكون ايه

أوقات كتير بيبقى من الاحسن اننا منفكرش فى بكرة .... أوقات بنبقى محتاجين كل لحظة بنكون فيهامع بعض 

أوقات بنبقى محتاجين اننا نعيش كل لحظة مع اللى بنحبه .. محتاجين نسيب نفسنا وننسى كل حاجة 

محتاجين اننا منفكرش غير فى اللى بنحبه وازاى فى اليوم ده فى اللحظة دى اننا نكون مبسوطين 

محتاجين ننسى الناس ونسسى الدنيا كلها محتاجين نفتكر بس حبنا لحظاتنا اللى احنا فيها مع بعض 

ننسى كل الايام اللى عدت والايام اللى جاية نفكر بس فى اليوم اللى احنا فيه اليوم اللى احنا مع بعض 

جرب تعيش مع اللى بتحبه يومك وتنسى كل حاجة وتفتكر بس ( فى حبك ) جرب انك تستمتع بكل لحظة 

فيها مع اللى بتحبه ... ووقتها هتبقى عشت حبك واديت نفسك الفرصة انها تضحك من قلبها بجد :)

فى النهاية الحب جنان ... لو عايز تعيش حبك بجد اتجنن مع اللى بتحبه وعيش لحظة سعادة بجنون 

عـــيـــش حــبـــكـــ

مجنونة بحبكــ

:)

 R.H

white love storey

السعادة ......

السعادة فى الحب مش مجرد أنك تكون مع اللى بتحبه أو أنك تكلمه طول اليوم فى الموبايل.

السعادة الحقيقية فى الحب هى أنك تعيش مع اللى بتحبه كل لحظة ألم قبل لحظات الفرح معاه.

السعادة اللى بجد هى اللى بتتولد مع المواقف اللى بنعيشها مع اللى بنحبهم هى اللى بتكون فى لحظة زعل 

لحظة فرح أو لحظة مصالحة .....

لما يبقى اللى انت بتحبه ياكل حاجة عشان انت بتحبها بس بالرغم أنه مش بيحبها ....

ولما يعمل حااجات هو كان من المستحيل أنه يعملها بس عشان يرضيك ومتزعلش ....

لما يشتريلك حاجة وهو مكسوف ويحاول يجيبهالك بأى طريقة بس عشان يشوفك مبسوط 

 

هى دى السعادة الحقيقية لما تلاقى اللى انت بتحبه بيعمل كل حاجة عشانك وبيحب  الحاجات 

اللى انت بتحبها لمجرد انك بتحبها حتى لو هو مش بيحبها أو حتى يسمع أغانى مش بيحبها 

بس عشان عارف انك بتحبها .... الحب ليه معانى كتير بس الأكيد أنك تعيش اللحظات دى مع 

اللى بتحبه هو الحب اللى بجد .... هى السعادة الحقيقية ..

 

وفى النهاية ...... 

الحب مواقف وتصرفات .... 

مش مجرد كلام وموبايلات:) 

R.H

 

 

white love storey

لحظـــــااات ..........

فى لحظات فى حياتنا بنعيشها بتبقى جميلة ... لكن الأجمل لما يكون فى لحظات بنعيش بيها 

لحظات بمجرد ما نغمض  عيوننا نشوفها قدامنا وننسى بيها أى ألم أو تعب لحظات بتعيشنا 

مش من السهل أنك تلاقى اللحظات دى أو تعيشها ويمكن كمان محظوظين وقليلين أوى اللى 

بيلاقوها .. 

 

الحب أجمل لحظة حلوة ممكن تعيشها فى حياتك ... لحظة منها تتخلق كل اللحظات الجميلة 

أجمل لحظات حياتنا بنعيشها مع اللى بنحبه ... فى موقف ، فى ضحكة ، لحظة زعل ، رضا 

جميل أوى إن يكون فى حياتك حد بتحبه .... لكن الأجمل أنك تعيش معاه الحب ده بتفاصيله 

جميل أنك تهتم بزعل حد فى حياتك ويبفرق معاك .. لكن الأجمل أنك تكون فارق فى حياة الحد ده

 

 

 إنك تكون مع اللى بتحبه ده كويس 

لكن إنك تعيش معاه كل لحظة فرح 

دى السعادة بحد ذاتها

:)

إهداء : 

الى من رأيت معه كل السعادة 

أحبك 

R.H

 

white love storey

قصة حب جديدة 

فجأة تلاقى حد دخل حياتك متعرفش ازاى ولا امتى حتى ..... بس مرة واحدة تلاقى نفسك اتعودت عليه وحابب تسمع صوته وتكون معاه ومش قادر على بعده تحس ان حياتك ابتدت من جديد  وانت مش عارف ازاى ده حصل ولا امتى بس بتبقى مبسوط اوى ........ ومرتاح لوجود الشخص ده فى حياتك .

تبقى بتحب تسمع صوته ...... تسمع كلامه ...... ترضيه ..... تضحك معاه .... حابب كل حاجة هو معاك فيها متعرفش ليه بس حابب انك تكون معاه وبس ...

بعد كدا تلاقى انك مش قادر على بعده ...... وتلاقى نفسك بتفكر فى كل كلمة هو قالها أو حاجة هو عملها عشانك او معاك      وفجأة تظهر ابتسامة  .... وتتمنى لو انك تشوفه دلوقتى قدامك 

وتلاقى نفسك بتعيش باللحظات اللى بينكم لحد ما تشوفه من جديد  ...